— 262 —
„Toean,“ kata njonja de Chevreuse, akoe pandang kau sebagi satoe noedjoem dan akoe sedia boeat denger sampe abis; biar begimana djoega.... troesken kau poenja tjerita.
„Pada itoe hari perdjalanan ada lebi djaoe dari jang soeda dan iaorang soeda djadi sanget tjape; hawa oedara sanget dingin; itoe koetika ada tanggal 4 October; dalem itoe doesoen tiada ada roema makan dan tiada ada astana, sedeng roema roema orang tani keliatannja Banget mesoem Marie Michon saorang bangsawan moelia sebagi ia poenja soedara Sri Ratoe, biasa pake aer wangi dan pakean aloes, maka ia ambil poetoesan boeat menoempang di roemanja padri."
Athos berdiam sabentar.
„Troes sadja,“ kata hertogin, baroesan akoe soeda bilang, akoe sedia boeat denger sampe abis“
„Itoe doea orang pelantjongan ketok pintos loear; padri jang soeda ada di pembaringannja treaken boeat dateng masoek, kerna pintoe tiada di koentji. Dalem kamarnja itoe padri ada menjala satoe lampoe. Marie Michon toelak lintoe kamar, kasi masoek kepalanja dan minta menoempang nginep boeat itoe malem.“
„Dengen senang hati anak moeda," djawab itoe padri, „djikaloe kau soeka trima Baija barang makanan jang masi ada di medja dan tidoer sama sama akoe dalem ini kamar.“
Itoe doea orang berempoek sabentar; padri denger iaorang ketawa kras kamoedian jang satoe berkata:
„Trima kasi toean radri, akoe trima itoe voorstel.“
„Dan kau boleh dahar, tapi djangan bikin riboet,“ kata itoe padri, kerna akoe ini hari ada sanget tjape dan ingin sekali tidoer.
