— 263 —
Njonja de Chevreuse djadi semingkin heran, bibiroja gemeter sebagi maoe menanja dari mana Athos dapet taoe itoe perkara sampe begitoe trang, tapi ia tahan djoega dan berkata:
„Abis?“
„Abisnja?“ kata poela Athos. „dan djoestroe ini perkara jang paling soesa ditjeritaken,“
„Tjritaken sadja, troesken lagi. Pada akoe orang boleh tjerita apa sadja. Lagi itoe oeroesan boekan akoe poenja perkara: ada perkaranja nona Marie Michon.“
„Itoe betoel,“ kata Athos. „Marie Michon dengen pengikoetnja doedoek dahar dan sasoedanja dahar Marie Michon sendiri masoek dalem kamar sedeng pengikoetaja tidoer di satoe korsi males jang ada dikamar makan.“
„Begimana, toean,“ kata njonja hertogin, djikaloe kau boekan satoe setan, begimana kau bisa taoe abis itoe perkara.“
„Itoe Marie Michon ada saorang premposan tjantik," kata Athos, ,saorang jang dengen gampang bisa senangken hatinja dan dengen tjepet bisa pikir roepa roepa tipoe, pendeknja Batoe prempoean jang boleh bikin sekalian lelaki djadi tjilaka. Dengen pikiran jang toean roema pada siapa itoe malem ia menginep ada satoe padri, ia lantes dapet pikir boeat boedjoek soepaja itoe padri loepaken perdjandjiannja dan berboeat satoe kadosa'an.“
„Toean graat,“ kata hertogin. „demi kahormatankoe, kau bikin skoe djadi takoet.“
„Kesian,“ kata Athos, itoe padri boekan saorang alim dan sebagimana akoe soeda bilang baroesan, Marie Michon ada saorang prempoean tjantik.“
„Toean, kata hertogin dengen pegang tangan-
