— 264 —
nja Athos, lekas bilang begimana kau dapet taoe itoe perkara, djikaloe tiada akoe panggil satos padri boeat oesir itoe setan jang ada dalem kau poenja diri.“
Athos djadi ketawa.
„Dengen gampang sadja akoe bisa kasi itoe ketrangan Satoe orang jang djalanken satoe prenta penting, satoe djem lebi doeloe soeda sampe di roemanja itoe padri, sedeng jang poenja roema di panggil pada saorang jang maoe poetoes djiwanja di laen doesoen, hingga itoe padri boeat itoe malem tiada keboeroe poelang di roemanja. Padri jang memang kenal pada itoe orang bangsawan jang menginep di roemanja, soeda seraken ia poenja roema dan barang makanannja. Djadi Marie Michon soeda bitjara pada itoe tetamoe dan boekan pada padri jang poenja roema
„Dan itoe tetamoe, itoe orang bangsawan jang soeda dateng lebi doeloe ?“ menanja hertogin.
„Ada akoe, graaf de la Fere,“ kata Athos dengen berbangkit boeat manggoet kasi hormat pada hertogin.
Hertogin de Chevreuse tinggal bengong bebrapa lama, tapi kamoedian ja djadi ketawa besar.
—„Soenggoe ane dan pengabisannja itoe Marie Michon jang koerang pikir soeda dapet barang lebi baek dari jang ia bisa doega. Troesken kan poenja tjerita graaf“
—„Sekarang akoe moesti kasi sa'a pada akoe poenja diri sendiri. Sebagimana akoe bilang baroesan, i'oe koetika akoe ada bawa satoe prenta penting dan pada waktoe matahari baroe terbit, akoe soeda kaloear dari kamar dengen tinggalken itoe nona jang masi poeles. Di kamar kaman akoe dapetken itoe pengikoet,
