— 265 —
roepanja djoega tjantik maka akoe hampirken padanja dan dapet kenalken jang ia ada Betty, jang deng en pertoeloengannja Aramis Boeda dikasi bekerdja pada Marie Michon. Lantaran kenalken Betty akoe djadi dapet taoe siapa adanja ia poenja nona, jaitoe....“
„Marie Michon!“ kata hertogin dengen tjepet.
„Marie Michon!“ Athos oelangken itoe perkata'an; akoe lantes djalan kaloear, dapetken koeda soeda diselaken dan kita orang lantes brangkat“
„Apa dari wates itoe tempo kau tiada dateng lagi di itoe doesoen? menanja hertogin.
— „Satoe taon kamoedian njonja.“
— „Abis?" enota segal isom
— „Akoe ada niatan boeat pergi tjari lagi pada iloe padri dan koetika akoe sampe di sana akoe dapetken ia lagi pikirken satoe perkara jang ia tiada bisa mengarti. Delapan hari jang baroe berselang ia soeda trima kiriman satoe ajoenan dalem mana ada satoe anak lelaki jang sanget manis roepanja dengen satoa kantong terisi oewang mas serta sapotong kertas di mana ada tertoelis: 4 October 1633.“
„Itoe ada tanggal dari itoe perkara ane,“ kata hertogin.
— „Ja, tapi itoe padri tiada mengarti satoe apa, ia tjoema taoe jang itoe malem ia ada di laen tempat, sedeng Marie Michon soeda brangkat sablonnja ia poelang di roemanja.“
— „Apa kau taoe, toean, jang Marie Michon, koetika di taon 1643 sssoedanja ia poelang ka negri Frans, lantes soeda serepin keada'annja itoe anak? Sebagi satoe pelarian ia tiada bisa bawa itoe anak, tapi sasoedanja poelang di Parijs ia ingin itoe anak ada deket padanja.“
Doeapoeloe taon blakangan
34
