— 268 —
boekan tjoema boeat bikin soepaja akoe tiada djadi sanget djenga, maka kau bilang ini njonja ada hertogin de Chevreuse dan boekan Sri Ratoe?“
„Boekan, burggraaf,“ kata njonja de Chevreuse jang lantes pegang tangannja Raoul dan dikasi doedoek di seblanja, sedeng matanja jang bertjahja trang tiada brentinja awasin ini anak moeda, „Boekan, akoe boekan Sri Ratoe, soenggoe sajang boeat kau, kerna seandenja akoe ada djadi Ratoe, akoe lantes nanti berboeat apa jang boleh djadi kebaean boeat kau. Tapi dalem akoe poenja keada'an sekarang,“ kata poela hertogin dengen plahan kerna ampir ia tiada tahan hatinja dan maoe peloek itoe anak, „akoe nanti berboeat sebrapa akoe bisa dan tjoba kasi denger, pakerdja'an apa jang kau inginken.“
Athos jang masi tinggal berdiri dengen senang hatinja awasin itoe doea orang.
„Njonja,“ kata itoe anak moeda dengen swara aloes, „akoe kira boeat saorang bangsawan tjoema ada satoe roepa pakerdja'an sadja jaitoe pakerdja'an militaire. Menoeroet akoe poenja pikiran toean graaf jang rawat pada akoe ada niat boeat djadiken akoe satoe orang peprangan dan telah harep ketemoeken di Parijs satoe orang, jang boleh toeloeng soepaja akoe boleh dikasi masoek di bawa prentanja toean Prins.
„Ja, akoe mengarti itoe perkara dan boeat satoe soldadoe moeda sebagi kau, ada kebaeannja boeat bekerdja di bawa prentanja satoe kepala prang jang tersohor; tapi nanti akoe pikir doeloe....akoe sendiri ada koerang baek padanja, tapi dengen pertoeloengannja prins de Marcillac....ja, boleh graaf, Prins de Marcillac ada satoe sobat lama, ia nanti kasi voorstel ini anak pada
