— 270 —
satoe sobat lama berpamitan dengen begitoe kakoe?“
„0!“ kata Athos, sedeng ia tjioem tangannja hertogin; „djikaloe lebi doeloe akoe taoe Marie Michon ada begitoe manis boedi....“
Athos djalan kaloear.
_ _ _ _
XXIII.
Di djalanan der Tournelles ada satoe roema jang soeda dikenal oleh sekalian koesir, toekang pikoel djoli dan boedjang boedjang orang hartawan di Parijs, tapi itoe roema boekan tempat tinggalnja saorang bangsawan atawa saorang hartawan. Dalem itoe roema tiada taoe dibikin perdjamoean, tiada ada jang dansa dan tiada ada jang maentop djoega, maski begitoe tiada oeroeng satoe bagian besar dari orang orang ternama jang tinggal di Parijs sring dateng berkoempoel di itoe roema.
Dalem itoe roema ada tinggal padri Scarron, saorang jang tadjem pikirannja dan pande bitjara, hingga banjak orang orang ternama soeka dateng koempoel padanja boeat bitjaraken perkara perkara jang baroe kedjadian, di mana kabar kabar baroe djikaloe koerang trang lantes ada jang bisa trangken atawa 'di karang lebi bagoes lagi, pendeknja satoe tempat berkoempoel di mana dengen laloeasa, kerna tiada teriket oleh peratoeran peradatan atawa kwatir pada politie, iaorang boleh bitjara dan tjerita dengen senang hati.
Padri Scarron, pengwakannja ketjil, boekan satoe padri sebab ia oeroes pakerdja'an agama, tapi sebab doeloe di kota Mans ia ada menoempang di satoe klooster, djadi itoe perkata'an padri ada satoe nama pojokan sadja. Pada satoe hari
