— 271 —
koetika orang rajaken pesta karnaval di kota Mans ini padri soeda basaken badannja dengen madoe, kamoedian ia bergoeling di satoe toempoekan boeloe boeloe boeroeng dan ajam, hingga ia djadi beroepa satoe binatang berboeloe jang paling ane. Denger itoe pakean ia soeda dateng di roema ia poenja sobat sobat, jang bermoela djadi kagoem liat itoe sobat ada pikiran boeat menjaroe pakean di loear biasanja orang banjak, tapi kamoedian itoe sobat sobatnja bebalik djadi goesar padanja. Di djalanan orang banjak memaki padanja dan anak anak sambit padanja dengen batoe, hingga sebab kesakitan ia djadi lari Tapi djoestroe ini perkara djadi satoe bahaja besar bagi dirinja, kerna dari moelai ia lari lantes orang banjak kedjer padanja, ada jang sambit dengen batoe ada djoega jang bawa kajoe boeat kemplang padanja, hingga ia tiada ada liat laen djalan boeat lolosken dirinja, melaenken lompat dalem satoe soengi. Ini padri pande bernang, tapi aer di soengi itoe koetika ada sanget dingin dan Scarron poenja badan sedeng mandi dengen kringet. Koetika ia sampe di roemanja dan reba di pembaringannja ia djadi sakit dan dari Wates itoe hari ia poenja kaki djadi loempoe.
Oreng soeda berdaja boeat bikin ia djadi baek kombali dan bikin ia rasaken lebi banjak sakit lagi lantaran itoe daja oepaja, hingga ia lebi soeka tinggal loempoe sadja. Ia pinda lagi ka kota Parijs, di mana orang soeda banjak denger tjerita dari ia poenja kepandean bitjara. Pada satoe hari dengen satoe korsi jang ada rodanja ia soeda dateng mengadep pada Ratoe Anra van Oostenrijk, jang koetika soeda djadi senang pikirannja lantaran denger Scarron poenja
