— 281 —
„Kau tiada soeka padanja, Paulet jang manis !“ kata Scarron.
„Kenapa kau pikir begitoe dari akoe, orang soeda minta dikasi ketrangan lebi djaoe, tapi lantaran itoe sair Voiture kirim troes pada Sri Baginda, tiada ada banjak orang jang taoe betoel begimana boenjinja.
Koetika orang orang soeda bitjara djoega dari laen laen perkara jang telah kedjadian dalem kota dan tiada ada laen perkara baroe lagi, hertogin de Chevreuse kata pada coadjutor:
„Tjoba toeloeng panggil toean graaf de la Fere, akoe ingin bitjara padanja.“
„Tapi akoe moesti berboeat sebagi akoe tiada soeka bitjara padanja. Akoe soeka itoe orang bangsawan dan akoe kenal kegagahannja serta taoe djoega sedikit dari apa jang ia doeloe soeda taoe berboeat, tapi akoe ada niat tiada maoe bitjara padanja sablonnja noesa pagi.
„Kenapa sampe noesa pagi? tanja hertogin de Chevreuse.
„Besok sore nanti kau dapet taoe itoe perkara,“ kata coadjutor.
„Toean Gondy,“ kata hertogin, „kau sanget pande bitjara dengen resia Toean d'Herblay,“ kata poela hertogin pada Aramis, apa ini sore boeat satoe kali lagi kau soeka djalanken akoe poenja prenta ?“
„Akoe kira masi, hertogin, kata Aramis, „boeat ini sore, besok dan selama lamanja kasi denger sadja itoe prenta.“
„Tjoba panggilken akoe graaf de la Fere akoe ingin bitjara padanja.“
Aramis hampirken Athos dan dateng sama sama sobatnja pada hertogin.
„Toean graaf,“ kata hertogin dengen angsoer.
Doeapoeloe taon blakangan
36
