— 119 —
apa kau soeka kirim pertoeloengan? Dan seandenja ia dateng di negri Frans, apa kau soeka trima padanja ?“
„Njonja,“ kata Kardinaal, ,akoe nanti kasi kenjata'an, dengen sasoenggoenja akoe sanget ingin berboeat, soepaja Sri Baginda djadi soeka hati.“
Permisoeri gigit bibirnja boeat tahan maranja, laloe menanja:
„Abis! apa kau maoe bikin ?“
— „Sekarang dioega akoe maoe pergi berempoek dengen Sri Ratos dan nanti kasi naek Sri Baginda poenja voorstel pada parlement.“
— „Sedeng kau lagi dapat tjidra dengen parlement, beto el apa tiada ? Kau nanti minta Broussel bikin satoe rapport. Soeda sampe, Kardinaal! Akoe mengarti atawa lebi baek dibilang, akoe soeda berboeat sala. Baek kau pergi pada parlement, kerna dengen pertoeloengannja parlement akoe masi bisa tinggal idoep dan tiada sampe djadi mati kelaparan.“
Seabisnja berkata begitoe Permisoeri berbangkit dengen angkoe dari tempatnja.
Kardinaal tekoek kadoea tangannja sebagi orang jang maoe minta diam poenken dosanja, sambil berkata:
„Ach, njonja, hau betoel tiada kenal akoe poenja adat.“
Dengen tiada menengok lagi ka blakang Permisoeri djalan teroes menoedjoe ka pintoe, boeka sendiri itoe pintoe dan djalan di antara bebrapa toean toean bangsawan penggawe di astana dan hampirken Lord de Winter jang ada doedoek saorang diri di satoe tempat terpisa dari jang laen.
„Abisnja sama djoega!“ kata Mazarin dalem
