— 142 —
taoe; adatnja djahat djoega akoe tiada taoe! Akoe tjoema taoe, doeloe akoe ada poenja satoe iboe; lima lelaki pada waktoe malem dengen semboeni soeda boenoe padanja, satoe perboeatan orang pengetjoet! Akoe taoe djoega, satoe orang antara itoe lima laki laki ada kau, dan kau, oom, soeda bantoe ia orang berboeat itoe perkara, ja lebi lagi, kau jang ada bilang pada itoe koetika: „Ia moesti mati!“ Maka sekarang akoe kasi nasehat pada kau, denger betoel apa jang akoe maoe bilang, soepaja kau boleh inget dalem hati dan tiada nanti loepa lagi: dari itoe pemboenoehan, lantaran mana akoe dijadi ilang sekalian pengharepan, itoe pemboenoehan jang soeda bikin ilang akoe poenja nama, itoe pemboenoehan jang bikin akoe djadi miskin, itoe pemboenoehan jang djadi lantaran akoe djadi saorang soesa dan djahat seperti sekarang, kau jang bermoela moesti kasi peritoengannja, kamoedian baroe kau poenja pembantoe, apabila akoe taoe iaorang poenja nama.“
Dengen mata mendelik dari sebab bentjinja, moeloetnja kaloear boesa dan tangannja dikepelken, Mordaunt madjoe lebi deket pada de Winter.
De Winter jang soeda biasa hadepken bahaja begitoe roepa tiada sekali djadi kwatir, dengen tersenjoem ia awasin moekanja Mordaunt, tapi tangannja pegang iapoenja pedang.
„Kau maoe boenoe akoe, toean?“ kata de Winter. „Djikaloe kau berboeat begitoe dan akoe nanti akoe kau sebagi akoe poenja neef, kerna dengen itoe perboeatan kau menjataken, kau betoel ada anaknja kau poenja iboe.“
„Tida,“ kata Mordaunt jang moekanja soeda beroba djadi sebagimana biasa lagi, „tida, akoe
