— 143 —
tiada nanti boenoe kau, boekan pada ini waktoe; kerna dengen pertoeloengan kau akoe nanti baroe bisa dapet taoe siapa jang laen adanja. Tapi apabila akoe soeda dapet taoe itoee resia, kau boleh gemeter, toean. Itoe algodjo di Bethune akoe soeda tikem hatinja dengen tiada sekali inget kesian, sedeng djikaloe dipikir lebi djaoe, dalem ini oeroesan ia jang paling enteng kesalahannja.“
Seabisnja berkata begitoe Mordaunt djalan kaloear dengen sabar, soepaja laen orang di itoe roema makan tiada dapet doega satoe apa. Di pertengahan ia dapetken Tony jang besender di pintoe, sedia boeat toeloeng toeannja, apabila ia dipanggil.
Tapi de Winter tiada panggil padanja. Ia tinggal berdiri bengong bebrapa lamanja dan koetika ia denger tindakan koeda lari ia baroe djadi sedar kombali, djatoken dirinja di korsi dan kata :
„Banjak trima kasi pada Allah, ia tjoema kenal akoe saorang sadja“
XIII
Sedeng itoe perkara jang baroe ditjeritaken kedjadian pada Lord de Winter, di laen hotel Athos jang ada doedoek di kamarnja di pinggir satoe djendela, dengen toendjang kepalanja sama ia poenja tangan jang disenderken di medja, lagi dengerken Raoul tjerita dari hal ia, Raoul, poenja perdjalanan di medan prang.
Moekanja Athos keliatannja terang, matanja tiada brentinja awasin ia poenja anak jang dengen swara jang berlagoe sebagi muziek lagi tjerita apa jang ia soeda rasaken dalem itoe sedikit tempo. Boleh dibilang, datengnja
