— 145 —
nja iaorang menembak dengen gampang kau orang nanti bisa terdjang padanja.“ Itoe tatkala ampir sekalian orang tiada ada jang boeka swara, masing masing lagi berpikir, hingga perkata'annja toean prins soeda bisa didenger njata oleh balatentaranja dan angkatan prang moesoe. Kameoedian ia angkat pedangnja dan kasi prenta: „Tioep trompet, tanda boeat menjerang !“
—„Betoel bagoes! Satoe tempo kau nanti boleh berboeat begitoe djoega, Raoul.”
—„Akoe blon bisa berdjandji itoe perkara, toean, kerna dari apa jang akoe liat, itoe koetika ampir akoe maoe bandingken toean prins sebagi satoe melaikat. Koetika kita soeda dateng deketnja doeapoeloe tindak kita liat itoe snapan moesoe semoea soeda sedia bebaris dan bergerak ditoedjoeken pada kita orang sebagi satoe kilap, kerna itoe koetika tjahja matahari ada toedjoe itoe barisan snapan. Plahan plahan sadja, anak anak,“ treak toean prins, „kita poenja tempo ampir sampe.“
„Kau merasa takoet itoe koetika, Raoul?“ menanja Athos.
„Ja, toean,“ Raoul menjaoet dengen troes trang, „akoe rasa hatikoe soeda djadi dingin dan koetika akoe denger moesoe kaloearken prenta „tembak“ dalem bahasa Spanjol, akoe meremken akoe poenja mata dan inget pada toean,“
„Betoel begitoe, Raoul ?“ menanja Athos dengen pegang tangannja Athos.
— „Betoel, toean. Itoe koetika akoe denger swara tembakan sanget kras, ampir boleh dibandingken sebagi pintoe noraka terboeka dan orang orang jang tiada binasa djiwanja dapet
