— 344 —
„Gampang sekali boeat bilang „boleh brangkat,“ tapi boeat pergi brangkat perloe ada oewang dan akoe tiada ada poenja oewang.“
„Begitoe ?“ kata Mazarin dengen garoek blakang koepingnja, „kau bilang tiada ada poenja oewang?“
―„Tiada ada Monseigneur.“
―„Itoe tjintjin jang kemaren akoe kasi kau?“ ―„Akoe ingin simpen boeat djadi satoe tanda mata dari Eminentie.“
Mazarin mengela napas.
―„Pengidoepan di negri Inggris sanget mahal, Eminentie, apapoela djikaloe moesti djadi satoe oetoesan diloear biasa.“
„Hm!“ kata Mazarin, „di sana orang biasa idoep ketjil, apapoela sasoedanja ada terbit hoeroe hara dengen sedikit blandja sadja soeda tjoekoep.“
Mazarin boeka satoe latji dan kasi kaloear satoe kantong.
―„Begimana dengen ini sariboe ducaat?
D'Artagnan djebiken bibirnja.
―„Akoe maoe bilang itoe oewang sanget sedikit, kerna akoe tlada brangkat saorang diri.
„Akoe djoega harep begitoe,“ kata Mazarin, „toean du Vallon itoe bangsawan jang gaga boleh anter kau, kerna selaennja dari kau, toean d'Artagnan, di seantero negri Frans tinggal ia sadja jang akoe masi pandang.“
„Djikaloe begitoe, Monseigneur,“ kata d'Artagnan dengen oendjoek pada kantong oewang jang Mazarin masi pegang di tangannja, djikaloe kau taro inda padanja dan anggep ia sebagi satoe sobat, kau tentoe mengarti . . . .“
―„Ja, apa boleh boeat, dengen pandang padanja akoe tamba lagi doea ratoes ducaat.
