— 369 —
maloemken prang dengen tiada trima bajaran. Tjoe ma boeat dapet kahormatan sadja.“
Athos tersenjoem.
— „Sri Baginda, kahormatan ada satoe perkara bagoes, tapi iaorang soeda djadi bosen dan semalem iaorang soeda djoeal Sri Baginda boeat harga doea ratoes riboe pondsterling, jaitoe separo dari oewang jang iaorang haroes dapet.“
„Tiada bisa!“ berseroe Karel I, „orang Schot djoeal iaorang poenja Radja boeat doea ratoes riboe pond!“
— „Orang Djahoedi soeda djoeal iaorang poenja Allah boeat tiga poeloe oewang perak.“
— „Siapa itoe djahanam jang soeda bikin ini pendjoealan ?“
— „Graaf de Loewen.“
— „Apa kau taoe betoel ini perkara, toean ?“
— „Akoe denger dengen koeping sendiri.“
Radja mengela napas sanget dalem sebagi orang jang tarik napas jang pengabisan dan djatoken kepalanja di ia poenja tangan.
„O! itoe orang Schot!“ ia kata, „orang Schot jang akoe pertjaja sampe abis! Orang Schot, akoe poenja bangsa sendiri! Orang Schot akoe poenja soedara! Apa kau taoe betoel, toean ?“
— „Sedeng reba di blakang tendanja graaf de Loewen, akoe soeda denger dan liat sendiri."
— „Kapan itoe peadjoealan moesti dibikin beres?“
— „Ini pagi, Sri Baginda. Sebagimana Sri Baginda liat, kita tiada boleh bikin ilang tempo lagi.“
„Perloe apa? kau sendiri bilang akoe soeda didjoeal.“
— „Boeat pergi njebrang di soengi Tyne dan pergi ka Schotland, boeat berkoempoel dengen
