— 370 —
balatentaranja Lord Montrose, ia tiada nanti djoeal Sri Baginda.“
— „Abis apa akoe moesti bikin di Schotland? Maloemken prang dengen orang orang jang lebi doeloe ada toeroet akoe poenja fihak? Itoe perboeatan ada koerang pantes bagi satoe Radja.“
— „Perboeatan begitoe roepa soeda taoe dikerdjaken oleh Robert Bruce.“
— „Tida, tida! soeda terlaloe lama akoe idoep begini sengsara; djikaloe iaorang soeda djoeal akoe, biar iaorang bikin alese itoe pendjoealan, soepaja selama lamanja laorang poenja perboeatan boesoek djadi satos noda atas iaorang poenja nama.“
„Sri Baginda,“ kata Athos, „brangkali satoe Radja haroes berboeat begitoe; tapi satoe soeami dan satoe ajah tiada boleh berlakoe begitoe. Akoe dateng di sini atas nama Sri Baginda poenja Permisoeri dan poetri dan djoega atas nama Sri Baginda poenja doea poetra jang ada di Londen, maka akoe brani bilang: Kau moesti tinggal idoep, Sri Baginda, Allah maoe begitoe.“
Radja berbangkit dari pembaringannja, bikin kentjeng ia poenja band, sangketken in poenja pedang di pinggangnja, sedeng dengen satoe sapoe tangan ia seka kringet di djidatnja, kamoedian ia tanja:
„Abis, apa akoe moesti bikin?“
„Sri Baginda, apa dalem seantero angkatan prang tiada ada satoe barisan jang boleh dipertjaja?“
„De Winter,“ Radja tanja, „apa kasetia'annja kau poenja barisan boleh dipertjaja?“
„Sri Baginda, itoe barisan ada sama djoega
