— 396 —
senang hati dengen apa jang akoe soeda berboeat bagi toean?“
Dengen bengong Cromwell awasin itoe anak moeda.
Mordaunt tinggal berdiri tetep.
„Ja,“ kata Cromwell, „sedari akoe kenal pada kau, boekan sadja kau soeda berboeat kau poenja kewadjiban, tapi lebi dari itoe ; kau ada satoe sobat jang setia, saorang pande oeroes perkara dengen laen orang dan kau ada satoe soldadoe jang baek.“
— „Apa toean inget, bermoela akoe jang kasi pikiran boeat boedjoek, soepaja orang Schot berchianat pada Radjanja?“
— „Betoel, itoe pikiran kau jang bermoela kaloearken; akoe blon bisa kira menoesia ada jang beradat begitoe hina.“
— „Apa akoe soeda oeroes perkara dengen negri Frans dengen pantes ?“
— „Ja, dan kau soeda bisa bikin Mazarin berboeat sebagimana akoe ingin.“
— „Apa akoe tiada selamanja berklai dengen sengit boeat bikin kau poenja nama djadi lebi tersohor?“
— „Lebi sengit dari apa jang akoe ingin, maka baroesan akoe soeda tegor pada kau. Tapi apa maksoednja ini pertanja'an ?“
— „Akoe maoe bilang, mylord, sekarang ada temponja, dengen kaloearken satoe perkata'an sadja, kau bisa kasi akoe oepanja boeat itoe semoea pahala jang akoe soeda berboeat.“
„O!“ kata Cromwell, sedeng moekanja menjataken koerang senang batinja dengen itoe perkara; „betoel begitoe, akoe loepa, satose perkara moesti ada oepanja, kau soeda berboeat
