— 398 —
barisan soeda dapet tawan doea orang, akoe minta itoe orang diseraken pada akoe.“
— „Apa iaorang djandjiken boeat teboes iaorang poenja diri dengen banjak oewang?“
— „Djoestroe sebaliknja, toean, akoe kira iaorang ada sanget miskin.“
— „Apa iaorang ada kau poenja sobat ?“
„Betoel, toean,“ Mordaunt berseroe; „iaorang ada akoe poanja sobat, sobat jang tertjinta dan akoe poenja djiwa akoe soeka boeang boeat bela iaorang.“
„Baek, Mordaunt,“ kata Cromwell dengen swara girang, kerna ia jang soeda djadi bentji lantaran kelakoeannja Mordaunt, kira sabenernja ini anak moeda ada poenja itoe pikiran baek boeat menoeloeng pada sobatnja; „baek, akoe seraken iaorang pada kau, akoe tiada maoe kenal iaorang poenja nama, berboeat dengen iaorang begimana kau soeka.“
— „Trima kasi, toean, trima kasi, akoe poenja djiwa sedia boeat digoenaken membela pada toean, dan djikaloe akoe moesti djadi binasa lantaran membela toean, dan akoe masi mengoetjap trima kasi; kau soeda kasi akoe satoe oepahan jang sanget besar.“
Seabisnja berkata begitoe dan dengen tiada keboeroe ditjega lagi oleh Cromwell, Mordaunt soeda berloetoet di hadepannja, di pegang tangannja dan ditjieam itoe tangan, satoe kahormatan jang orang biasa berboeat pada Radja radja.
„Begimana!“ berseroe Cromwell jang djadi sanget heran liat itoe kelakoean, „kau tiada ada minta laen oepa lagi? Tiada minta oewang? Tiada minta pangkat?“
— „Kau soeda kasi apa jang kau bisa kasi
