— 411 —
akoe poenja maksoed. Sedikit tempo jang baroe berselang itoe dosa orang soeda diseraken pada akoe oleh kita poenja laksamana, akoe poenja toean jang moelia, generaal Olivier Cromwell.“
D’Artagnan djadi kaget sebagi ia disamber kilap, koetika ia denger itoe perkata’an. Matanja djadi glap, moekanja djadi mera dan dengen tiada disengadja tangannja soeda pegang ia poenja pedang.
Porthos jang memangnja tiada brentinja awasin ia poenja sobat, soeda tiada oesa dibilang lagi apa ia moesti berboeat, ia toeroet sadja apa jang d’Artagnan bikin.
Matanja Porthos bikin d’Artagnan djadi kwatir dan ia djadi menjesel soeda panggil sobatnja kaloear, jang sabenernja ia tjoema maoe goenaken boeat gertak sadja pada Mordaunt, tapi sekarang ia djadi kwatir ini oeroesan djadi lebi kaloet, maka ,dalem hatinja ia Kata:
„Adoe tenaga boleh bikin kita semoea djadi tjilaka, akoe moesti oendjoek jang boekan sadja akoe lebi koeat dari ini anak moeda, tapi akoe ada poenja lebi banjak tipoe djoega.“
Kamoedian ia manggoet renda dan kata:
„O, toean Mordaunt, kenapa Kau tiada lantes bilang begitoe? Begimana kau dateng atas namanja toean Olivier Cromwell, generaal jang paling kesohor namanja di ini waktoe ?“
„Akoe dateng dari tempatnja, toean,“ Kata Mordaunt dengen toeroen dari koedanja dan seraken lesnja pada, satoe soldadoe; „baroe berselang sedikit tempo sadja akoe tinggalken padanja.“
„Itoe perkara kau haroes bilang lebi doeloe toean Mordaunt,“ kata d’Artagnan, „seantero negri Inggris ada kapoenja’annja generaal
