— 63 —
itoe laksamana jang masi moeda, tapi soeda kesohor na manja lantaran ia telah kalaken moesoe negri Frans pada peprangan di Rocroy, Freiburg dan Nortlingen.
Lodewijk van Bourbon, prins van Conde ada poetranja Hendrik van Bourbon dan sasoedanja ia poenja ajah meninggal, menoeroetadat kebiasa'an pada masa itoe, orang seboet namanja toean prins sadja. Ia ada saorang moeda kira kira doeapoeloetoedjoe taon oemoernja, moeka. nja terang, idoengnja sedikit bengkok, ramboetnja pandjang sampe di ia poenja poendak, penga- wakannja tiada sebrapa besar, tapi keliatannja tjeli, ada sampe pande boeat djadi satoe kapala prang, jaitoe matanja tjeli dan otaknja tadjem, dengen tjepet ia bisa ambil satoe poetoesan dan ia ada sanget gaga, maski begitoe tiada oeroeng ia ada saorang jang aloes tingka lakoenja dan manis dalem bergaoelan dengen orang orangnja.
Baroe sadja ja denger graaf de Guiche tjerita ken dari hal moesoe ia lantes dapet doega itoe perkara. Moesoe tentos soeda menjebrang soengi Lya di betoelan betoelan Saint Venant dan sekarang menjerang kota Lens, dengen maksoed, apabila itoe tempat soeda dapet diambil, soepaja bisa djaga djangan sampe balatentara bantoean dari Parijs bisa sampe di medan prang, dan dengen begitoe balatentara Frans djadi poetoes perhoeboengan dengen kota Radjanja. Itoe swara jang iaorang denger ada swara tembakan dari meriam besar jang ada di benteng benteng orang Frans dan sekarang lagi melawan penjerangan moesoe.
Tapi brapa besarnja itoe angkatan prang? Apa brangkali tjoema satoe bagian ketjil sadja jang sengadja dikasi madjoe boeat bikin soepaja
