GANDJARAN JANG PANTES
13
Brangkali lantaran merasa djengkel, itoe orang Europa membentak dan kamoedian djalan ka pinggir djalanan. Dari sitoe ia liat, semoea taxi ada kosong, kerna masing-masing chauffeur tioema memandang pada itoe kariboetan sambil mesem, sedeng satoe lelaki moeda laen poen tjoema memandang sadja pada marika. Satelah meliat begitoe, itoe orang Europa laloeh gapein itoe chauffeur jang laloeh prentah si Hok hampirken itoe orang Europa.
Tempo soeda dateng deket pada itoe doea orang, dalem bahasa Blanda jang lantjar si Hok berkata:
„Slamet sore, njonja dan toean, apakah kaoe berdoea hendak pake kandara'an brangkali. Apa saja boleh tawarken satoe poenja auto?"
ltoe laki istri djadi melengeka dan kamoedian memandang satoe pada laen boeat toedjoeken masing-masing poenja rasa heran.
„Bener, kita hendak pake satoe auto, kita ingin pasiar satoe doea djam; kita baroe sadja dateng dari negri Blanda."
„Kaloe begitoe, akoe nanti merasa girang sekali boeat anter kaoe liat-liat bagian-bagian jang bagoes dari ini tempat, jang menarik hatinja pelatjong-pelantjong.”
„Ja, memang itoe kita harep, dan kabetoelan sekali kaoe bitjara kitapoenja bahasa ada bagoes sekali." kata itoe njonja Europa.
Si Hok bersenjoem.
„Silahken kaoe naek di kita poenja auto, njonja dan toean," kata ia, „perkara pembajaran kita pertjaja pada kaoe poenja kamoerahan hati."
ltoe doea orang lantes ikoetin pada si Hok dan tida lama kamoedian marika soeda doedoek dalem itoe taxi.
„Ka mana kita moesti bawa kaoe?" begitoe si Hok
