14
TJERITA ROMAN
menanja pada penoempangnja. „Ka mana sadja, jang kaoe rasa baek, kita tida taoe ka mana moesti pergi." begitoe ia dapet djawaban.
„Apa kaoe brangkali soeka liat-liat gedong besar? Atawa brangkali kaoe lebih soeka liat tempat-tempat jang di Europa tida bisa terdapet, seperti klenteng dari orang Tionghoa? Wijk Tionghoa jang rame atawa djalanan-djalanan sepi, di mana di waktoe malem terdenger tetaboehannja poetra negri jang betoel ada asing boeat koepingnja orang Barat tapi toch tida kalah merdoe berboenjinja boeat orang-orang jang mempoenjai pengrasa'an haloes?"
„Aih, kaoe boekan sadja bisa bitjara kita poenja bahasa dengen baek sekali, tapi roepanja kaoe poen telah mendapet pladjaran jang baek. Tapi kenapa kaoe djadi toekang sewaken auto?"
„Akoe tjoema djadi knecht sadja, njonja, dengen oepah satoe atawa doea roepia semalem, begitoe djoega djikaloe pendapetan ada bagoes, tapi sering kali akoe tjoema dapet oepah sepoeloeh atawa bebrapa cent sadja."
Mendenger itoe katerangan roepanja itoe laki istri djadi merasa kasihan pada itoe knecht chauffeur jang terpladjar baek. Marika serahken sadja pada kamaoeannja si hiok boeat kasi liat bagian-bagian jang bagoes dari kota Bandoeng.
Begitoelah pada itoe doea orang dikasi liat gedong-gedong besar, wijk-wijk jang rame dan saben kali me rasa perloe si Hok kasi katerangan tentang namanja straat atawa gedong dan laen-laen lagi.
Tiga djam kamoedian baroelah itoe doea orang minta dianterken ka marika poenja hotel, jaitoe hotel Preanger.
Tempo marika soeda toeroen, itoe orang Europa
