GANDJARAN JANG PANTES
17
II.
ORANG-ORANG HARTAWAN.
„Kemaren akoe pergi ka Dago, bebrapa lamanja kita memandang pada aer djatoh. Di sana banjak sekali orang jang plesir."
„Wah akoe pergi ka Lembang; kita naek koeda ketjil jang membawa kita ka goenoeng, tapi sajang sekali lantaran belon biasa akoe djadi lekas tjape dan terpaksa moesti balik poelang. Tapi laen minggoe tentoe kita pergi lagi.
„Akoe poen bikin perdjalanan, ka sitoe Bagendit, di bilangan Garoet. Kita maen praoe di sana dan kamoedian papa maoe pergi djoega liat kawah goe noeng, tapi itoe waktoe soeda terlaloe siang, maka kita poelang ka Bandoeng."
Pembitjara'an begitoe terdjadi di antara tiga gadis Tionghoa, moerid dari itoe sekola tengah, di mana si Hok, alias si Dogol poen ada djadi salah satoe moe rid. Itoe tiga gadis mengobrol begitoe di waktoe sang goeroe tinggalken marika sabentaran.
Di blakang marika ada doedoek si Dogol.
la djadi berpikir. Itoe waktoe ia poenja pakerdja'an soeda selesih, sedeng laen-laen moerid kebanjakan masi teroes poeter otak. la djadi dapet tempo boeat berpikir. Soenggoeh besar sekali perbeda'an pengidoepan antara ia dan itoe tiga gadis.
Perbeda'an Itoe boekan ada perbeda'an jang ketjll, tapi bedanja besar seperti langit dan boemi. Seng itoe tiga gadis masing-masing pergi plesir di hari Minggoe, jang satoe pergi ka Dago, jang kadoea naek koeda di Lembang dan jang katiga pergi pasiar di bi langan Garoet, ia sendiri, hiok, bekerdja dalem satoe bengkel motorfiets, jang kebetoelan sekali itoe hari
