18
TJERITA ROMAN
perloe dapet satoe penggawe dan dengen perantara'anja si Moehamad, itoe chauffeur taxi, si Hok dapetken itoe pakerdja'an. la bekerdja dari pagi sampe sore dan tempo ia poelang, ia djadi begitoe lelah, hingga ia merasa perloe boeat melondjor kira-kira satoe djam lamanja di ia poenja pembaringan sabelonnja bersihken diri dan bersantap.
Itoe hal terdjadi bebrapa hari sesoedahnja ia trima itoe persenan doeapoeloeh lima roepia jang la serahken semoeanja pada ia poenja iboe. Maskipoen dapet oewang, sadjoemblah besar djoega, jang bisa membikin ia poenja iboe djadi tida oesa pikirin dari mana moesti dapet makan paling sedikit satoe boelan lama nja, si Hok tida djadi males, hanja teroes tjari pakerdja'an apa sadja jang ia bisa pegang di waktoe ia tida sekola. Boeat ia poenja bekerdja satoe hari teroes di itoe hari Minggoe ia tjoema dapet bajaran doea roepia, tapi toch ia pegang itoe pakerdja'an dan merasa girang waktoe poelang, bahoea itoe hari poen soeda liwat boeat ia dengen tida pertjoema.
Tapi sekarang ia mendenger orang laen tjerita tentang kasenangan dan kagirangan jang marika dapetken di hari Minggoe.
Si Hok djadi berpikir, tapi ia berpikir tida dengen pengrasa'an menjesel. la dengerin sadja bitjaranja itoe bebrapa gadis, dan saban-saban ia djadi mesem sendirian, seperti djoega ia poen toeroet bergirang, tapi achirnja ia mengelah napas sambil berpikir:
„Soenggoeh marika poenja pengidoepan ada senang sekali; pengidoepan begitoe tida laen tjoema membawa kagirangan dan kasenangan. Tapi apakah akoe poen tida boleh bergirang? Marika plesir, pandjat goenoeng, maen praoe atawa meliat aer djatoh dan marika dapet kasenangan, tapi dengen marika
