GANDJARAN JANG PANTES
23
kankah ia tida mengganggoe pada kita dan djoega tida meroegiken? Sebaliknja kita boleh merasa girang, jang ia doedoek dalem satoe kias dengan kita. la ada orang lelaki bangsa kita satoe-satoenja dalem kita poenja kias dan jang paling pinter poen tida laen orang. Tjoba kaoe denger djikaloe kita poenja goeroe poedji padanja, maskipoen ia dapet nama alias „Si Dogol." Itoe nama alias boekan ia dapetken lantaran iapoenja goblok, tapi meloeloe lantaran ia poenja sifat jang pendiam, tida seperti kebanjakan moerid lelaki, jang dateng di sekola dengen membawa persedia'an jang lebih banjak menarik hati anak-anak prempoean dari pada persedia'an boeat dapetken angka jang tinggi boeat pladjarannja." Gwat Nio dan Liong Nio tentoe sadja tida maoe me ngarti, tapi lantaran marika tida bisa kasi alesan-alesan jang tegoeh, apa jang mendjadi sebab hingga „Si Dogol" moesti dibentji, marika anggep paling baek landjoetken pembitjara'an ka laen djoeroesan. Sesoedahnja menoenggoe waktoe jang baek, Gwat Nio berkata;
„Tida lama lagi pesta tahonan dari kita poenja sekola bakal dibikin, apakah kaoe soeda pikir, entji Sien, pakean apa jang kaoe bakal pake itoe waktoe. Akoe aken merasa maloe sekali, djikaloe dalem Itoe pesta akoe tida berpakean menoeroet mode paling baroe. Lebih djaoeh akoe denger bakal diadaken pesta kedok; brangkali ada baek djikaloe kita bertiga djadi satoe rombongan, jang meloekisken „Tiga prampoean tjantik". Begimana kaoe poenja pikiran?"
„He, ja, akoe poen toenggoe datengnja itoe tempo dengen tida sabar." kata Liong Nio.
„Memang pesta tahonan selamanja ada membawa kagoembira'an, tapi boeat orang-orang jang naek klas. Boeat bitjara teroes terang, akoe sendiri belon inget-
