24
TJERITA ROMAN
inget pada itoe pesta. Apabila akoe soeda mempoenjai kepastian, jang akoe bisa dateng dalem itoe pesta dengen penoeh kagirangan, baroelah akoe nnaoe pikir, pakean apa jang akoe bakal pake. Tapi sabelonnja akoe mempoenjai kepastian jang dalem examen akoe loeloes, akoe rasa lebih baek djangan pikirin kagirangon dalem pesta."
Sien Nio roepanja ada lebih pandjang pikiran dari ia poenja doea soedara misanan, jang memang djoega ada lebih moeda dari ia.
Gwat Nio jang soeka mengobrol kombali ternjata tida setoedjoe dengen itoe pikiran.
„Pesta tinggal pesta, examen tinggal examen," kata îa, „kaloe akoe tida loeloes dalem oedjian, toch itoe pesia aken membawa djoega kagirangan. Djikaloe akoe tida loeloes, itoelah boekan akoe poenja salah. Siapa djoega jang tida kapingin pinter."
„Betoel, siapa djoega jang tida kapingin pinter?" begitoe Sien Nio mengoelang. „Dan lantaran itoe djoega, maka kaoo tida boleh njataken bentji atawa merasa tida senang, djikaloe satoe orang miskin ingin djoega tjari kapinteran dan sekola sama-sama kita. Pladjaran dan kapinteran boekan meloeloe diadaken boeat anak-anaknja orang hartawan."
„O, o, entji Sien tentoe maksoedken „Si Dogol" kata Gwat Nio, „kaloe kita moesti bitjaraken lagi halnja itoe orang, boleh djadi akoe nanti dapet pengrasa'an seperti maoe moentah, maka lebih baek kita tida bitjara lebih djaoeh."
Sesoedahnja berkata begitoe ia tinggalken Sien Nio dan Liong Nio masoek dalem kamar, jang memang disediaken boeat ia. Swat Nio poen tinggalken Sien Nio tida lama kamoedian, hingga pembitjara'an di antara itoe tiga gadis hartawan, djadi berachir sampe di sitoe.
