26
TJERITA ROMAN
kenalin ada Gwat Nio dan Liong Nio. Marika masing-masing dianter oleh saorang lelaki. Marika djalan menoedjoe ka satoe park, jang berada di depannja itoe sekola dan di sana marika berdiam lama sekali. Apa jang marika bitjaraken, itoelah tida satoe orang dapet taoe.
Tida lama sesoedahnja itoe doea gadis berlaloeh, keliatan satoe gadis laen kaloear dari pekarangan itoe sekola. la tjelingoekan ka kiri dan kanan seperti djoega sedeng mentjari satoe orang, la djalan dari Koelon ka Wetan dan balik lagi ka Koelon. la pergi djoega ka djoeroesan di mana ada berderek bebrapa banjak auto dan di sitoe ia bertemoe dengen satoe orang jang rasanja ia ada kenal.
Itoelah ada Sien Nio jang mentjari pada Gwat Nio dan Liong Nio. Bebrapa lamanja ia awasin itoe lelaki mooda jang toendoek sadja, seperti djoega ia takoet sekali dirinja dikenalin, tapi lantaran Sien Nio teroes berdiri tida djaoeh dari ia dan djoega teroes meman dang padanja, itoe orang djadi merasa sanget kikoek, tapi achirnja ia dapet pikiran, djikaloe ia tetep ambil sikep begitoe roepa, nistjaja ia bisa dikataken tida taoe adat, djikaloe ia dikenalin, maka ia braniken hati dan menanja:
„Kaoe tjari siapa, nona? Apa brangkali kaoe tjari kaoe poenja auto." „He, Hok, engko Hok, kaoe ada di sini? Ja, akoe tida kliroe, waktoe baroesan akoe kira betoel-betoel akoe liat kaoe."
„Betoel, nona, akoe sendiri,“ kata si Hok dengen maloe.
„Tapi kenapa kaoe berdiri di sini, dan dengen pakean tjara begitoe?" tanja Sien Nio jang merasa sanget heran. „Apa kaoe toeroet pesta-kedok?“
