28
TJERITA ROMAN
Maskipoen ia mengarti betoel apa jang ia moesti berboeat, toch ia tida bisa tahan djoega ia poenja kainginan boeat dapet taoe dengen diam-diam apa jang itoe doea gadis dengen marika poenja penganter sedeng borboeat. Lantaran itoe djoega ia djalan dengen beIndap-indap menghampiri itoe ampat orang jang sedeng doedoek di satoe bangkoe di bawah satoe poehoen jang lebat daonnja.
Si Hok dateng di waktoe jang kebetoelan sekali, kerna itoe waktoe di antara itoe ampat orang telah terbit sedikit perselisihan.
Gwat Nio sedeng berkoetetan dengen penganternja sedeng Liong Nio tjoema memandang sadja sambil tertawa, seperti djoega itoe kedjadian ada loetjoe sekali, la poenja penganter poen „tida soeka toeroet tjarnpoer laen orang poenja perkara", hanja libetken ia poenja tangan di pinggangnja itoe gadis.
„Akoe tida maoe kaoe pegang padakoe," begitoe Gwat Nio berkata dengen soeara keras. „Tadi poen di waktoe dansa kaoe soeda berlakoe meliwatin wates. Akoe salah sekali maoe ikoet kaoe ka mari.”
„Masa kenapa sih?" begitoe terdengar itoe lelaki jang pegang kadoea tangannja itoe gadis berkata. „Toch lantaran akoe tjioem kaoe, kaoe poenja pipi tida nanti djadi letjet atawa koerang bagoesnja. Djikaloe kaoe tida maoe kasi dengen baek, akoe nanti paksa . . . . . . . . ."
„Liong Nio, Frits, toeloengin akoe." berseroeh Gwat Nio dengen soeara tertahan.
Itoe lelaki jang pegang padanja, kaloearken tenaganja dan sekarancj Gwat Nio tida bisa lepaskan dirinja. la dipeloek hingga tida bisa bergerak lagi, tapi di itoe sa'at djoega satoe tangan pegang leher badjoenja itoe lelaki dan tida terdoega sama sekali, dengen satoe
