GANDJARAN JANG PANTES
33
hidoep melarat, tapi siang mentjari pengartian. Apakah tida ada pakerdja'an jang bisa dilakoeken di waktoe malem, tapi tida begitoe rendah seperti djadi knecht taxi? Dan apa sebabnja itoe malem ia berklai dengan itoe doea orang jang djoega djadi temen sekola. Apakah brangkali marika merasa tida senang bahoea si Hok tjari Gwat Nio dan Liong Nio dan dengan begitoa djadi mengganggoe marika poenja kesenangan?"
Besoknja Sien Nio tanja pada Gwat Nio dan Liong Nio, apa brangkaii marika dapet taoe, apa jang djadi sebab dari itoe perklaian, tapi itoe doea gadis bilang tida taoe. Marika mengarti, djikaloe marika bitjara teroes terang, tentoelah marika aken dapet maloe. Liong Nio sama sekali tida bisa poedji perboeatannja si Hok, karna itoe kedjadian poen sama sekali tida menjangkoet pada dirinja. la poenja pengantar tida berlakoe begitoe kasar sedeng ia sendiri poen tida merasa kaberatan, djikaloe penganternja hendak berlakoe lebih brani di hadapannja. Gwat Nio sendiri menuang ada bentji sekali pada si Hok, dan ia merasa menjesel, kenapa boleh kebetoelan itoe orang jang moesti lepasken ia dari ia poenja pengantar. Satoe malem teroes itoe gadis tida tidoer. la telah bertreak minta pertoeloengan, waktoe itoe pengantar minta apa-apa dari ia, jang ia, sebagi gadis, soengkan kasi, tapi itoe treakan, itoe meminta pertoeloengan ada lantaran ia poenja pikiran, lantaran kabiasa'an di waktoe hadepin hal-hal jang ia tida kenal dan takoet, tapi boekan lantaran ia poenja kemaoean. Djikaloe itoe lelaki tida berlakoe begitoe kasar, boleh djadi Gwat Nio tida merasa kaberatan boeat kasi apa jang diminta. Lantaran itoe djoega, Gwat Nio sama sekali tida
