GANDJARAN JANG PANTES
35
ga ia ambil poetoesan boeat kasi kalepasan dengen lantes pada si Hok.
„Akoe anggep kaoe poenja bitjara jang baroesan ada terlaloe loear biasa," kata ia, „tapi maski begimana djoega, akoe anggep kaoe tida bisa bekerdja lebih lama di sini, sebab tadi poen kaoe soeda bilang, kaloe soeda temponja kaoe moes+i sekola lagi, kaoe bakal brenti. Biarlah kaoe brenti sekarang sadja dan akoe nanti kasi kaoe poenja gadjih penoeh boeat satoe boelan."
Si hlok tjoema bisa manggoet sadja, dan trima oewang jang diangsoerken padanja. Sesoedahnja berpamitan, ia lantes poelang dan serahken itoe oewang pada iboenja sambil toetoerken apa jang mendjadi sebab dari ia poenja kalepasan jang begitoe mendadak.
Iboenja poen tida bilang apa-apa, masing-masing tjoema seselken nasib sendiri jang boeroek sekali.
Diam-diam si Hok djadi merasa sedikit heran atas sikepnja entjek Tiong Bie. Itoe ajah kasi kamerdika'an jeng boleh dibilang loeas pada ia poenja anak prempoean dan doea kaponakan, hingga kedjadian seperti di itoe malem pesta bisa dialamken oleh doea antara itoe tiga gadis, tapi sekarang mendadak ia dilepas, tjoema lantaran ia ada satoe temen sekolanja Sien Nio, dengen siapa si Hok tida pikir boeat bikin perhoeboengan lebih rapet. la mengarti betoel, ia poenja kadoedoekan ada terlaloe rendah boeat bisa beren deng dengen Sien Nio. Tapi apa halangannja djikaloe ia dikasi bekerdja teroes sampe ia moesti masoek sekola lagi. !a toch aken taoe diri, ia aken tinggalken djadi satoe penggawe di waktoe berhadepan dengen Sien Nio. Tapi ia poenja maksoed-maksoed tida dimengarti. Ia dilepas!
