GANDJARAN JANG PANTES
39
poel bebrapa orang, nistjaja orang-orang itoe mendadak djadi brentiken pembitjara'an seperti marika tida ingin Hok dapet danger marika poenja pembitjara'an. Moerid-moerid prempoean memang dari doeloe poen tida perhatiken padanja, seperti djoega Hok sendiri tida menaro perinatian pada marika. Tjoema satoe orang sadja jang keliatannja ada ketarik oleh ia poenja diri, dan orang itoe boekan laen hanja Sien Nio. Tapi ini gadis poen tjoema bersenjoem sadja waktoe liat Hok mendatengin.
Maskipoen ia taoe dirinja tida terlaloe disoeka oleh laen-laen moerid dalem itoe sekola, jang kebanjakan mengiri, lantaran terlaloe sering ia poenja goeroe goeroe toendjoek dirinja sebagi tjonto jang haroes ditoeroet kagiatannja dalem hal mentjari pladjaran, toch belon pernah ia rasaken dirinja begitoe kasepian seperti di itoe hari. Tida satoe antara kawan-kawannja jang menaro perhatian padanja, sampe orang jang sering mendapet ia poenja pertoeloengan poen sekarang baliken badan.
Apakah jang mendjadi sebab dari itoe sikep bermoesoe padanja? Hok djadi berpikir. Achirnja ia tjoema bisa mendoega sadja, tapi ia tida doega bahoe di itoe hari djoega ia bakal dapet kepastian. Ternjata doega'annja tida meleset.
Di itoe hari, lantaran ada hari pertama jang marika masoek sekola lagi sesoedahnja vacantie lama, moerid-moerid tida dapet pladjaran apa-apa. Marika dibagi-bagi dalem bebrapa klas, toeroet membantoe atoer ini itoe dan pada djam sabelas marika boleh poelang.
Seperti biasa Hok djalan poelang, tapi tempo ia sampe di satoe tikoengan ternjata bebrapa poeloeh rnoerid lelaki ada toenggoe padanja. Marika semoea
