GANDJARAN JANG PANTES
43
kerna ia soeda membikin patah toelang pahanja itoe lelaki moeda jang menoeroet katerangannja thabib bakal djadi pintjang saoemoer idoepnja. Orang-orang jang laen dapet loeka-loeka jang tida membahajaken pada djiwa, maskipoen loek-loeka itoe kebanjakan ada heibat. Jang satoe kena kepoekoel stuurnja speda di bawah matanja, hingga ia poenja pipi djadi beng kak, jang laen dapet kenjata'an bahoea berkenalan dengen pedaal speda di batok kepala poen ada sanget tida enak, sedeng orang jang katiga moesti rasaken sakitnja potongan dari oedjoeng spatbord di bagian badan jang empoek.
Di hari esoknja, politie denger pengakoeannja itoe orang-orang moeda jang telah berklai.
Hok akoe teroes terang, bahoea ia soeda amoek itoe bebrapa poeloeh orang dengen goenaken satoe speda, lantaran ia sendiri dikrojok. Itoe orang jang bermoela tida maoe akoe, bahoea ia jang moelai itoe kariboetan, tapi blakangan ia terpaksa mengakoe telah asoet ia poenja kawan-kawan, kerna itoe kawan-kawan jang mendapet loeka ampir semoeanja akoe jang marika menjesel telah kena diasoet oleh itoe satoe kawan boeat krojok pada Hok dan moesti alamken itoe perkara tida enak. Lantaran didapet katerangan djoega apa jang djadi pokonja itoe perkara, Gwat Nio, Liong Nio dan Sien Nio poen dikoendjoengin politie dan didenger katerangannja. Permoela Gwat Nio hendak kasi katerangan jang tida bener, tapi achirnja sambil menangis ia toetoerken apa jang telah terdjadi itoe malem, sesoedahnja padanja diperingetken bahoea djikaloe ia mendjoesta ia aken alamken perkara lebih tida enak lagi.
Dengen begitoe, dengen sendirinja Sien Nio dapet taoe, apa jang sebetoelnja telah terdjadi di itoe ma-
