GANDJARAN JANG PANTES
45
dengen Hok jang sedeng tjari moeatan. Akoe minta ia toeloeng tjari Gwat Nio dan Liong Nio dan ia pergi sesoedahnja lebih doeloe anter akoe ka auto di mana akoe menoenggoe. Tida lama kamoedian Gwat Nio dan Liong Nio dateng dengen diantar oleh Hok, dan sesa'at kamoedian mentjoel doea kawan iaen, dengen siapa Hok berselisihan dan achirnja ia djadi berklai."
„Tapi itoe malem kaoe tida ada tjeritaken apa-apa dan di hari-hari jang brikoet poen tida, apa sebabnja?"
„Akoe koeatir kaoe larang kita sekola lagi, iboe." djawab Sien Nio dengen soeara perlahan.
„Dan moelai sekarang akoe larang kaoe sekola lagi. Memang djoega kaoe soeda besar. Apakah tida ada sekola begitoe meloeloe boeat anak-anak prempoean? Akoe tida ingin kaoe saben hari berada poêla di an tara lelaki-lelaki jang bisa menerbitken perkara begini."
Sien Nio toendoek sadja. la ingin sekali landjoetken pladjarannja, tapi iboenja roepanja hendak menjegah.
Achirnja ia dapet satoe pikiran.
„Akoe berdjandji boeat tida pergi ka mana-mana, iboe" kata ia. „Dalem sekola toch tida nanti bisa terdjadi itoe perkara seperti jang telah dialamken oleh Gwat Nio, „dan djikaloe akoe tida ada di sekola, tentoe akoe di roemah."
Ini perdjandjian ditrima dan dengen girang Sien Nio hatoerken trima kasi.
Tentoe sadja itoe kedjadian rame dibitjaraken dalem sekola, hingga Gwat Nio dan Liong Nio djadi merasa sanget maloe dan djoega dapet tjomelan dari marika poenja goeroe, lantaran di itoe malem marika telah „nenjingkir" dari roeangan pesta. Besoknja marika tida masoek sekola dan bebrapa hari kamoedian iboenja Gwat Nio dan Liong Nio dateng boeat ambil poelang
