GANDJARAN JANG PANTES
77
segala roepa rintangan, ia soeda dapetken nnaksoednja. Akoe bilang separo, kerna ia mempoenjai maksoed lebih tinggi lagi. Ia ingin sekola lebih djaoeh, lebih tinggi, dan achirnja tentoelah itoe semoea poen bisa terdapet. Tapi, dalem pengidoepannja sesoeatoe orang lelaki, perloe djoega ada saorang prempoean boekan boeat djadi satoe halangan, tapi djadi satoe pembantoe. Satoe prempoean, satoe istri jang bisa membantoe soeaminja, aken membikin sang soeami rasaken pakerdja'an jang paling berat ada enteng sekali; satoe istri jang berboedi nanti djadi pengandjoer di waktoe sang soeami merasa lelah, satoe penghiboer di waktoe ia poenja soeami mendapet kadoeka'an. Akoe kira, Sien, kaoe nanti soeka djadi satoe istri jang begitoe di dampingnja hiok, dan kaoe, Hok, akoe kira soeka djadi akoe poenja mantoe, boekan? Boeat membri katerangan lebih djaoeh akoe rasa tida perloe, sedeng kaoe poenja iboe. Hok, soeda moefakat dengen ini pertoendangan. Maka, anak-anak, djikaloe kaoe merasa setoedjoe dengen poetoesan jang telah diambil oleh kaoe poenja orang-orang toewa, akoe silahken kaoe berdoea berbangkit dan kasi tangan satoe pada laen."
Si Hok poenja moeka djadi merah seperti barah, sedeng Sien Nio poen tida berbeda. Tapi satelah marika denger perminta'annja Tiong Bie jang paling blakang, dengen tida sangsi-sangsi lagi marika berbangkit dan berbareng angsoerken tangan hingga berdjabatan. Tiong Bie tepok tangan dan tertawa.
„Belon pernah saoemoer idoepkoe akoe merasa begini senang!" begitoe ia berkata. „Mari kita minoem lagi."
Djongos toeangin anggoer di masing-masing poe-
