94
TJERITA ROMAN
ba pandeng itoe paras jang kaliatan lebih boto dari sari-sarinja; „Akoe boleh kasiken kau sedikit katerangan." Nona Gretha mengingser dari tempat doedoeknja.
„Djadi kau kira jang itoe ada perloe boeat di terangken poelah di sini? Akoe pernah batja lamaran sematjem itoe, tapi akoe tida njana jang kau, satoe lelaki jang akoe anggep ada moelia, bisa lakoeken itoe permainan jang menjolok mata boeat dirinja satoe gadis jang terhormat."
John poenja moeka djadi seperti kepiting baroe direboes.
„Tetapi, ......“ kata John dengen goegoep, „kau roepanja belon terang sama doedoeknja perkara ......“
„Akoe mengerti kaupoenja maksoed,” memotong itoe nona. „Dan akoe mengerti djoega jang kau tida bernjali boeat oetaraken kaupoenja tjinta padakoe dengen moeloet, maka boeat gampangnja kau ambil sadja itoe tjara, boekankah begitoe? Satoe djalan jang mengoendjoeken bahoea kau tida mempoenjai ketabahan tjoekoep."
„Tapi ......“ dan iapoenja moeka djadi lebih merah dari tadi. „Akoe tida pernah kirim itoe sematjem telegram. Kau moesti tjoba maoe pertjaja, Gretha, jang akoe ada bitjara djoedjoer."
„Well Kaloe begitoe brangkali kau maoe bilang, jang kau hendak ambil akoe boeat djadi kaupoenja istri, tapi dengen satoe djalan jang tida satoeloesnja hati?"
„Boekan, ...... boekan," John bilang dengen satoe roman jang njataken ia lebih banjak poetoes harepan.
„Akoe soeda pikir sampe mateng tentang kau, tapi sampe sabegitoe djaoe belon mampoe njataken itoe padamoe."
