TJARA MELAMAR MODEL BAROE
95
„Artinja kau soeda sedia boeat bitjara teroes-terang padakoe, tapi toch kau tida kerdjaken. Apakah kau tida bisa bitjara lebih djelas, John?" kata nona Gretha sambil angkat iapoenja mata.
„Baek, akoe maoe toetoerken padamoe doedoeknja hal jang bener," saoet ia dangen lagoe soeara lebih tetap dan saben-saban telen-telen iapoenja loeda. „Itoe telegram seperti tadi akoe telah bilang, boekan ada akoe jang kirim; kendati begitoe toch akoe ada merasa begitoa setoedjoe sama boenjinja. Oh, Gretha, kau brangkali tida taoe jang akoe sabetoelnja soeda tjintaken kau sedari akoe pertama kali katemoe. Tapi, berboalan-boelan akoe mendjadi „boelannja-kagagalan", kerna Allah selama itoe belon tjoba kirimin akoe sepotong kebranian dari hati-ajam."
Gretha tertawa manis.
„Oh ...... John," ia berbisik, seperti djoega itoe ada boeat marika berdoea. ,,Djikaloe betoel kau menjinta padakoe ......"
„Kau djangan sangsi, Gretha, sebab akoe menjinta kau dangen antero soekma," John menjamboeng sembari berbisik djoega.
„Kaloe begitoe," meneroesken poelah itoe nona, „telegram sematjam itoe adalah lebih baek dari pada tida ada sama sekali ......"
„Akoe ...... akoe ......“ menjaoat itoe djedjaka dangen sember.
Liriknja Gratha jang tadjemnja bisa di'ibaratken sebagi piso tjoekoar, talah manjamber hatinja John, hingga ia djadi boangkam dangen sakoenjoeng-koenjoeng kendati brapa riboeh perkatahan tersedia di oadjoeng bibirnja.
Itoe lirikan jang berarti „akoe-poen-tjinta-kau" bikin John djadi kagirangan boekan main. la sigra dapat
