— 1052 —
hatinja mendjadi besar. Tetapi kita hendak tanja pada kaoe sebab kaoe soedah koeliling dimana mana dan soedah dapet pengartian dalam ka-adaän roepa-roepa bangsa, apatah biasa- nja orang Italië, kaloe nikahken anaknja, kasi banjak harta banda djoega pada ijang di nikahken?"
„Astaga! itoe moesti di timbang dari kesenangan hatinja. Kita kenal saorang Pangeran Italie, kajanja seperti isinja tambang mas dan asal bangsawan paling besar dari Toskane, ijang kaloe dia poenja poetera nikah dengen kasenangannja dia membawa-in bebrapa joeta, tetapi kaloe poeteranja nika tida mendjadiken kesenangannja dia tjoema kasi oewang pengidoepan tida lebih dari tiga poeloeh Kroon saboelan. Seandenja sekarang Andrea nika dengen kesenang- an ajahnja, barangkali dia nanti trima satoe, doea atawa tiga joeta."
,,Kaloe dia barangkali kawin dengen anak prampoean dari sa-orang bankier, brangkali oewangnja sebagian di masoeken dalem perdagangan mertoea anaknja, tetapi saande poeteranja nika dengen anak prampoean ijang dia tida senang, tentoe dia poenja peti oewang tinggal katoetoep. Maka itoelah Andrea kapaksa aken hidoep seperti saorang hartawan aken toeroet berdjoedi dan main dengen kartoe palsoe."
„Itoe pamoeda nanti tjari sa-orang poetri Radja negri Beieren atawa Persi."
„O, itoe tida samoea, ini toean-toean bangsawan di sebrangnja pengoenoengan soeka bernika djoega dengen orang ijang renda. Ha, toean Danglars, apa kaoe ingin aken berfamilie dengen Andrea, ijang kaoe tanja pada kita dengen begitoe perloe, dari hal kemampoeannja dan kahendakannja toean Cavalcanti?"
