— 1141 —
,,Betoel perkata-an kaoe," mendjawab toean Morrel dengen doeka tjita.
,,Dengen soewara bagimana, kaoe soedah bilang ini?" bertanja nona Valentine.
,,Dengen soearanja orang ijang mengheranken kaoe, nona!" menjaoet toean Morrel.
,,Nona!" mendjawab Valentine, „O, nona! kaoe membikin lebih sedih pada kita, kaoe taoe ijang kita poenja hati rasanja antjoer, begitoe djoega kaoe menambahken kita poenja kasedihan."
,,Tida begitoe, kita mengarti djoega kaoe poenja pikiran, kaoe tida maoe menimboelken marahnja toean de Villefort, kaoe maoe toeroetin djoega kamaoeannja njonja markiezin, dan besok kaoe bole tetepken dengen tanda tangan, soerat perdjandjian nikah."
,,Astaga Allah, apatah kita boleh bikin lain?"
,,Djanganlah kaoe minta keterangan dari kita, itoelah kita tida bisa kasi!"
,,Apatah kahendakanmoe, kaloe kita maoe djoega toeroetin kaoe poenja maoe?"
,,Apatah kaoe tanja ini dengen soenggoeh, Valentine?"
„IJa. Maximilliaan, kaloe baik itoe, kita hendak toeroetin djoega."
Valentine," berkata toean Morrel,,,kasilah kaoe poenja tangan aken mendjadi tanda ijang kaoe membri ampoen pada kita, ijang kita soeda begitoe marahnja, ijalah kita poenja kapala bingoeng, dan soedah satoe djam lamanja kitå poenja ingetan tida karoewan. O! kaloe kaoe tida maoe toeroet djoega, apa ijang kita hendak bitjara......"
