— 1154 —
kakoewatiran dalem hatinja, maka toewan Graaf ijang amat awas matanja, dapet taoe djoega, ijang dia poenja hati bingoeng. Dari itoe djoega toewan Graaf menghoendjoeken hati lembek dan soeka lebih dari sabannja, hingga doea tiga kali toewan Morrel dapet kahendakan aken tjerita dan memboeka rasianja pada Graaf de Monte Christo, tetapi slamat dia masi inget apa ijang dia soedah berdjandji pada nona Valentine, maka dia tinggal simpen rasianja.
Sampe doewa poeloeh kali toewan Morrel batja soeratnja nona Valentine, kerena baroe satoe kali ini dia taoe trima, tetapi di dalem hal bagimanatah! saban kali sasoedahnja dia abis batja soeratnja nona Valentine, dia soempah dalem hatinja aken membikin slamat dirinja nona Valentine. Soenggoeh teramat besar katjintahannja nona Valentine padanja, ijang ija maoe berlari toeroet padanja; apatah tida haroes djoega ija membales tjinta teramat sangetnja? Baginilah pertimbangannja toean Morrel dengen sa-antaranja mengharep ijang waktoenja soedah dateng aken samboet pada nona Valentine di tempat ijang soedah di tentoeken.
Toean Morel soedah sediaken segala apa ijang moesti di pake aken berlari, seperti doea tali tangga, kreta ijang enteng, ijang hendak di djalanken oleh toean Morrel sendiri, dengen tida pake koesir dan lampoe ijang baroe hendak di pasang, kaloe ija soeka srenta dateng di oedjoeng dialan, sebab dia orang moesti hati-hati, soepaja d,angan djatoh di tangannja politie. Tempo-tempo badannja toean Morrel goemetar, kaloe dia inget bagimana dia moesti toeloeng pada nona Valentine aken toeroen dari tembok dan mengangkat badannja.
Tetapi waktoe hendak toeroen mata hari dan moelai mendjadi malem, dia toetoep dirinja di dalem kamarnja, aken soepaia
