— 1155 —
tinggal sendiri sadja dan mentjoba aken batja boekoe, tetapi sabentar lagi dia lempar itoe boekoe aken membikin talinja tangga, ijang hendak di pake aken lari.
Sekaranglah soedah dateng waktoenja, maka dia liat aerlodjinja, seperti ija tida maoe madjoe dan dia poeter-poeter itoe aerlodji, sampe pada djam anem, itoe aerlodji soedah menghoendjoeken djam setenga sembilan. Kamoedian dia sangka soedah dateng temponja aken brangkat, brangkali djoega nona Valentine tida maoe bernanti sampe pada djam ijang di tentoeken aken taro tanda tangan soerat perdjandjian nikahan. Baroe lontjeng djam delapan toean Morel brangkat dari roemahnja.
Kreta énténg dan koeda ijang di semboeniken di blakangnja satoe goeboek toea, di mana toean Morel biasa semboeni. Dengen pelahan mendjadi lebi gelap dan segala tempat kaliatannja hitem. Itoe waktoe toean Morel kaloear dari tempat semboeninja dan liat dari hek dengen hati deredek, tetapi dia tida dapet liat satce manoesia. Sekaranglah dia dengar lontjeng poekoel setengah sembilan. Satengah djam lamanja dia tinggal bernanti dengen berdjalan wara-wiri dan memandang di hek.
Di dalem kebon lebih lama mendjadi lebih gelap, dengen begitoe dia awasken matanja, soepaja bisa dapet liat orang ijang berpakean poetih atawa mendapat denger djalannja orang; itoe semoealah pertjoema, dia tida dapet liat atawa denger satoe apa.
Roemahnja toean de Villefort, ijang orang boleh dapet liat dari kebon, kaliatannja gelap, tida ada panerangan ijang mendjadiken sepantesnja dalem satoe hal ijang hendak di djadiken disitoe, pada waktoe ijang soedah di tentoeken, ija
