— 1172 —
Njatalah matanja orang toewa itoe mengoendjoeken girang hatinja serta sanget keras tjintanja.
„Oleh kerna itoe, maka pada tjang sendirilah, akoe taro pengharepankoe, ija ?" Orang toewa itoe ijang soedah loempoe membikin tanda, ijang dia trima seperti katanja Valentine; maka Valentine keloear dan tarik tangannja Maximilian.
,,Na," liatlah toewan ini, ijang betoel-betoel," berkata Valentine.
Orang toewa itoe laloe memandang toewan Morrel dengan mata ijang heran.
,,Dia toewan Maximiliaan Morrel," katanja Valentine,,,anak dari soedagar di Marseille ijang berhati loeloes, tentoe tjang soedah taoe dengar tjerita orang dari itoe soedagar.
,,la," berkatalah itoe orang toewa.
Betoel itoe soedagar saorang berhati loeloes, dia maoe bikin Maximiliaan djadi orang brani ijang mashoer, kendati Maximiliaan baroe beroemoer tiga poeloeh taon, maka dia soedah djadi kapitein dari Spahis dan opsir dari bintang legioen van Eer."
Itoe orang toewa kasi taoe ijang dia masih ingat itoe semoewa.
„Kaloe begitoe," berkatalah Valentine sembari madjoe ka moeka aken taro kepalanja atas pangkoe tjangnja dan mengoendjoek Maximiliaan dengan tangannja: „akoe tjinta pada dia, dan akoe tida maoe di djadiken sama orang laen, melaenken sama dia sendiri. Kaloe orang maoe paksa pada akoe aken kawin sama orang laen, tentoe akoe mati atawa akoe boenoeh diri."
Orang toewa itoe, ijang soedah loempoe matanja seperti sanget bingoengnja.
,,Boekankah tjang soeka djoega sama Maximiliaan Moorel?"
