— 1183 —
Lagi satoe kreta mati dengen perhiasan ijang patoet sampe di depan pintoenja toewan Villefort, maka peti mati dari kreta ijang satoenja itoe, di angkat di taro dalem kreta mati ijang baroe sampe, Kedoewa mait itoe misti di koeboer di tempat pekoeboeran Pére-Lachaise, di mana memang toewan de Villefort soedah sediaken satoe tempat lobang dari batoe, aken djadi koeboeran sekalian kaoem kaloewarganja. Itoe lobang soedah ada isinja, ija itoe maitnja njonja René, ijang soedah meninggal, sampe sekarang sapoeloeh taon lamanja dan baroe berkoempoel lagi sama mait mamanja dan papanja.
Antero pendoedoek kota Parijs telaloe kepingin liat ini perarakan mait ijang liwat dengen moelia, maka dengen diam aken di bawa ka tempat kasenangannja; terlebi poela orang kepingin liat, dari sebab ijang meninggal ini asal orang bangsawan doeloe-doeloe, serta namanja poen termashoer koeliling.
Di dalem kreta-kreta ijang menganterken kreta mati, orang-orang pada beromong-omong dari lantaran dan sakitnja orang ijang mati ini, begitoe poen toewan Beauchamp de Braij dan Chateau Renaud ijang doedoek bersama di dalem satoe kreta, pada beromong-omong dari kamatian ini, ijang terdjadi begitoe dengen mendadak.
Katanja toewan Chateau Renaud: „Taon ijang soedah akoe masih ketemoe njonja de Saint Méran di Marseille, koetika akoe poelang dari Algiers. Kaloe akoe pandang kawarasannja di itoe tempo, maka akoe brani kata itoe njonja bisa idoep lagi seratoes taon, begitoe soeboer dia adanja. Sekarang brapa oemoernja ?"
,,Anem poeloe anem taon," djawablah Albert,,,begitoelah si Frane bilang sama akoe. Aken tetapi itoe njonja boekan mali, sebab toewa, dia itoe mati mereres, dari sebab kama-
