— 1189 —
ikoeti oleh itoe anak moeda, toewan procureur itoe tida brenti di mana-mana atawa pegi bitjara sama istrinja atawa anaknja. Sampe di kamar toelisnja, dia kasi korsi sama itoe anak moeda aken doedoek.
Abis katanja Toean Villefort: „Toewan d'Epinay, ada ijang akoe misti kasi ingat sama toewan dan barangkali waktoenja aken kasi ingat itoe tida djahat seperti orang sangkaken lebi doeloe, kaloe di pikirin ijang kita ini baroe poelang dari tempat kamatian, adapoen akoe rasa, bahoewa paling baik adanja, aken mengoendjoeken kita toeroet dan denger kata pada kahendakannja orang orang ijang di koeboer, Akoe ini misti kasi inget padamoe pesenannja njonja de Saint Méran, koetika ija kemaren doeloe ada di tempat tidoernja mengadep pada Malaikat maoet: dia pesen ijang kawinannja nona Valentine tida bole di gantoeng lebi lama. Kaoe taoe ijang segala perkaranja orang ijang mati itoe, ada oeroes sekali dan nona Valentine di dalem soerat testament soedah djadi ahliwaris sendiri, dari pada harta poesakanja kaoem de Saint Méran. Toewan notaris kemaren soedah kasi liat padakoe itoe soerat-soerat, maka segala soerat-soerat itoe menghalangken soerat kawin itoe di bikin lantas. Kabe bole pegi bitjara sama toewan notaris dan atas namakoe, kaoe bole minta liat segala soerat-soerat padanja. Jang djadi notarisnja njonja de Saint Mèran ija itoe toewan Dechamps, di tana lapang Beauvean, moeka kota Saint Honoré."
Djawabnja toewan d'Epinay: "Toewan, sekarang ini barangkali tida baik boewat nona Valentine aken ingat kawin, sebab, dianja masih terlaloe amat berdoeka tjita, lantaran nama tjangnja meninggal, soenggoe toewan, akoe koewatir."
Valentine." berkata toewan de Villefort dengen memotong
