— 1191 —
toewan Dechamps; itoe contract nanti di batja dan di tandain tangan di itoe waktoe djoega dan nanti ini malem njonja de Villefort bakal toeroet sama Valentine pegi ka tanahnja, di mana nanti delapan hari kita bole pegi katemoein dia terang."
"Toewan," berkatalah Frans, „tjoema ada satoe ijang saja maoe tanja."
„Apa?"
,,Saja kepingin ijang Albert de Morcerf dan Raoul de Chateau Renaud nanti berhadlir bersama-sama waktoe menandahin itoe contract; toewan taoe ijang dia orang berdoewa itoe saja poenja saksi."
,,Setengah djam sampe, boewat kasi kabar padanja; apa kaoe maoe pegi panggil dia sendiri, apa kaoe maoe soeroeh panggil sadja?"
,Saja lebi baik pegi panggil sendiri."
Baik, akoe toenggoe poelangmoe dalem setengah djam, dan dalem itoe waktoe Valentine djoega bakalan soeda sedia." Franz kasi tabe toewan Villefort, abis dia pegi.
Baroe pintoe kamar kabinet itoe ketoetoep di blakangnja Franz, maka lantas toewan de Villefort kasi taoe sama Valentine, ijang dia misti dateng masoek di kamar besar, sebab orang menantiken datengnja toewan notaris bersama-sama saksi-saksinja toewan d'Epinay. Ini kabar ijang dateng mendadak membikin terkedjoet semoewa di dalem roemah. Njonja de Villefort tida maoe pertjaja prentah itoe dan Valentine mendengar itoe merasa kaget sanget.
Dia memandang ka kanan dan ka kiri seperti orang ijang mentjari toeloeng, tida taoe pada siapa. Dia maoe pegi sama Pajangnja, tetapi dia ketemoe di tangga sama toewan de
