— 1200 —
hoeroef G, Toean Noirtier kedipken matanja, maka nona Valentine boeka itoe Woordenboek di djoeroesan hoeroef G. dan laloe dibatja satoe-satoe perkataan ijang tertoelis di bawah hoeroef G, sampe pada perkataan Geheim artinja rasia, maka Noirtier soeroeh dia berenti.
,,Ha! sekarang akoe mengarti di dalem itoe latji ada lagi latji rasia ijang tersemboeni ?"
„Ja."
,,Abis siapa ijang taoe adanja itoe latji rasia ?"
Toewan toewa memandang ka pintoe di mana djongos tadi djalan keloewar.
,,Barrois ?" bertanja Valentine.
"Ja."
„Apa akoe misti panggil padanja ?"
„Ja."
Valentine berdjalan ka pintoe dan laloe memanggil Barrois. Selainnja itoe kedjadian, maka djidatnja toewan de Villefort berkringat seperti orang ijang tida sabaran. Franz d'Epinay djadi bisoe dari sebab sangat heran. Si Barrois dateng.
,,Barrois!" berkata nona Valentine:,,papa tjangkos soeroeh akoe ambil satoe kontji dari itoe medja ketjil ake boeka ini latji medja toelis, adapoen di dalem itoe latji isti ada satoe tempat rasia ijang kaoe taoe, boekalah itoe tempat. Barrois memandang doeloe toewannja seperti aken menanja.
Aken disambleng.
