— 1781 —
dengen ampat mata. Itoe semoewa akoe soedah taoe loear kepala; aken tetapi ada masih laen hal ijang akoe tida taoe; lebi baik inilah kita omongin, siapakah soedah soeroeh padamoe dateng kemari?“
„Ha! ha! toewan ada terlaloe keboeroe napsoe, djangan begitoe, Benedetto.“
„Benar apa tida, anggoeran djangan omong-omong kosong. Katakenlah siapakah ijang soeroeh padamoe dateng kemari?“
„Tida satoe orang.“
„Bagimanakah kaoe taoe, ijang akoe ada di dalem pendjara?“
„Boekankah akoe soedah lama kenalin padamoe, doeloe di Champs Elijsees, kendati kaoe berpakean bagimana tjakep lagi, dan kaoe doedoek dalem kreta pegang les sendiri.“
„Champs Elijsees! ssekarang ampir sampe di mana akoe maoe dateng. Champs Elijsees, baiklah, kita beromong-omong dari akoe poenja papa, boekan?“
„Na, akoe ini siapa?“
„Kaoe toewan, kaoe ini akoe poenja papa piarah. Tetapi menoeroet pengrasa-ankoe, boekannja kaoe ijang akoe bikin abis dalem ampat lima boelan; lagi poen boekannja kaoe ini ijang bikin akoe dapet papa orang Italia-an ijang bangsawan; djoega boekannja kaoe inilah, ijang bawa akoe beladjar kenal sama sama orang besar-besar, koetika di panggil makan di Auteuil, ijang sampe sekarang akoe masi rasain enaknja, di mana sekalian bangsawan di Parijs ada berhadlir, serta procureur karadja-an djoega ada bersama-sama, dan akoe soenggoe menjesel sekali, ijang doeloe akoe tida beladjar kenal lebih baik sama dia, kaloe tida sekarang ini,
