— 1789 —
soempahnja sama toewan Noirtier. Tetapi ija tida djoega mati itoe tjoklat boekan beratjoen. Maka Villefort berdiri dengan mesemnja ijang teramat heibat, menakoetin orang.
Koetika waktoe orang makan pagi, toewan de Villefort tida keloewar makan.
Itoe djongos dateng masoek ka dalem kamar toewannja, serta katanja. „Njonja soeroeh kasi taoe sama toewan ini soeda poekoel sebelas, dan poekoel doewa belas nanti toewan soedah misti berhadlir di tempat hakim-hakim bersidang.“
„Abis kenapa?“ bertanjalah de Villefort.
„Njonja tida berpakean dan soedah kloewar sekarang, njonja soeroeh tanja apa njonja misti toeroet sama toewan apa tida.“
„Toeroet kemana?“
„Pegi ka gedong bitjara.“
„Boewat apa?“
„Njonja bilang njonja terlaloe amat kepingin bersama-sama liat djalannja ini perkara.“
„Begitoe?“ berkatalah de Villefort dengan soewara keras „njonja kepingin liat?“
Djongos itoe mendjadi kaget mendengar soewaranja toewan de Villefort ija moendoer satoe tindak abis katanja: „Kaloe toewan maoe berangkat nanti saja kasi taoe sama njonja.“
Villefort berdiam sebentaran, ija garoek moekanja, ijang poetjat ijang mendjadi terlebih hebat, sebab brewoknja ijang itam moeloes.
„Bilang sama njonja,“ berkatalah de VIllefort: „ijang akoe maoe beromong sama njonja, akoe minta biar njonja nantiken datangkoe di kamarnja.“
