— 99 —
gadis jang merendahken diri dan la poenja kasedihan koetika dapet taoe bahoea dirinja boekan ada bandingan dengen satoe Raden. Djikaloe Darmo Inget matanja Moerhaja jang penoeh dengen rasa soekoer koetika Darmo oetjapken djandjinja jang pasti, Darmo merasa oerat-oeratnja katarik. Ia merasa ada satoe kwadjiban aken angkat gadis ini dari satoe tempat renda ka tingkatan jang lebi atas, dan sabagi satoe lelaki jang menjintaken prampoean itoe lebi doeloe, Darmo merasa wadjib aken briken gadis itoe kasenangan jang kekal. Itoelah sebabnja Darmo soeda ambil poetoesan aken menikah dengen terang pada Moerhaja, tetapi tiara begimana ini nikahan haroes dibikin, dan tjara begimana Moerhaja poenja karendahan bisa ditoetoep, itoelah ada perkara-perkara jang Darmo belon dapet djalan.
Darmo merasa pasti bahoea ajahnja jang beradat koekoeh tida nanti bri idzin aken ia menikah pada Moerbaja djikaloe la taoe bahoea Moerhaja itoe ada satoe koki, satoe prampoean jang tida mempoenjal deradjat. Apakah la haroes bikin djikaloe ajahnja tida satoedjoe pada nikahan itoe? Apakah la moesti melawan pada kamaoean ajahnja? Tida! Darmo ada satoe anak jang berbakti pada orang toea, ia belon perna melawan segala prenta dan kabendak ajah itoe. Salaennja begitoe, Darmo sendiri ada poenja pengrasaän agoeng, maka perkara nikah sama Moerhaja la baroes berpikir sampe
