— 102 —
dengen bangga la nanti dateng mengadep pada ajahnja, dan minta iboenja dateng di Bogor boeat lamar itoe gadis dari sanaknja saorang jang ternama dan hartawan, boeat hal mana nistjaja ajah dan iboenja Darmo tida nanti merasa kabratan.
Laen dari begitoe, boeat sampeken maksoednja, Darmo anggep Marsina itoe boleh didjadiken satoe perkakas jang bergoena. Ia ada satoe goela-goela jang paling ditjintaken oleh Joesoef, hingga boleh dikata ampir tida ada satoe permintaännja ini prampoean jang tida ditoeroet. Darmo llat Marsina ada pande sekali bitjara, dan tentoelah bitjaranja itoe djikaloe dioekir boeat boedjoekan, aken memakan dengen tentoe di hatinja Joesoef. Boekantah lidah prampoean ada sapoeloe kali lebih tadjem dari lidah lelaki?
Marsina nanti tampik ia poenja permintaan ? Itoelah tida boleh djadi. Boekantah itoe malem Marsina sendiri soeda tawarken pertoeloengannja djikaloe Darmo ada dapet soesah ? maka kenapalah djoega Marsina menampik djikaloe ia diminta aken boedjoek soeaminja, soepaja ia ini maoe akoeh Moerhaja itoe sebagi misanannja?
Semoea pikiran baek dan harepan jang tida bertjoeriga ada dalem otaknja Darmo, satoe anak moeda jang belon banjak bergaoelan, hingga tida kenal baek adatnja manoesia,
Dengen itoe pikiran-pikiran jang senang, Darmo
