— 104 —
XI.
BAJANGAN BOELAN.
Boekan baroe di ini djeman terangnja boelan dipoedji-poedji oleh manoesia, hania sedari djeman poerbakala tatkala manoesia moelai mengenal kabagoesannja natuur. Boelan itoe poen ada benda natuur jang bisa menambahken kasedepannja hati jang bertjinta. Begitoelah soeda kadjadian dengen Soedarmo dan Moerhaja jang dengen mentjoeri matanja sekalian orang saisi roemah, di waktoe tengah malem soeda pergi ka pinggir kali di tempat doeloe laorang beromong-omong. Sembari ambil tempat doedoek di atas roempoet tebal, di bawah bajangannja papoehoenan, Soedarmo laloe menanja pada Moerhaja, apakah la ini tjintaken itoe boelan jang terang dan bajangannja kaliatan di atas aer kali? Tentoe sadja Moerbaja bilang tjinta, sebab itoe ada benda natuur jang paling indah. Tetapi Moerhaja berkata lagi, bahoea terangnja boelan itoe tidalah lebih bagoes dari pada tjahla matanja Soedarmo. Begitoelah satoe sama laen laloe njataken tjintanja, jang sasoedanja poeas beromong-omong dalem itoe perkara, Darmo laloe minta Moerhaja tjeritaken pengidoepannja dari ketjil sampe achirnja berkerdja sama Joesoef. Moerhaja tida inget lagi siapa ajahnja, kerna sedari ia ketjil itoe ajah telah meninggal doenia dalem perdjalanannja ka Mekkah. Meninggalnja la poenja alah
