— 105 —
di itoe tempat djaoe, bikin iboenja djadi roedin, hingga moesti tjari pakerdjään di gedong-gedong Blanda. Beroentoeng ia dapet satoe madjikan baek, satoe njonja Indo Jang mempoenjai soeami hartawan. Pada itoe njonja iboenja Moerbaja djadi baboe di Betawi, sampe kamoedian pinda ka Bandoeng dan ka Semarang, di tempat mana lantaran madjikannja berangkat ka Europa, iaorang soeda ditinggalken. Di Semarang iboenja Moerhaja laloe berkerdja sama madjikan Tionghoa sampe lamanja satoe tahon, kamoedian poelang ka Betawl. Disini tempat ia dapet taoe kaloe famillenja sabagian besar djoega soeda pinda ka tempat-tempat djaoe, hingga la berdoea terpaksa tinggal di Bogor pada sala satoe familienja. Achirnia ia dapet denger jang toean Joesoef maoe pake orang, begitoelah ia berdoea laloe masoek berkerdja. Tentang adatnja toean Joesoef, Moerhaja poedji sekali, sedeng adatnja Marsina djoega Moerhaja merasa senang, maski poen tempo-tempo Marsina ada njataken tjemboeroeannja, tetapi belakangan, lantaran boleh djadi liat toean Joesoef sama sekali tida openin pada Muerhaja, maka Marsina poenja tjemboeroean djadi linjap sama sekali.
Moerhala kata lebih djaoe bahoea la ada mengarti djikaloe orang bitjara Blanda, djoega bitjara Itoe bahasa ia bisa sedikit, katjoeali menoel's. Dalem ia poenja tempo idoep sedari ketjil pada
